УИХ-ын гишүүн Пүрэв-Очирын
Анужин гэж гишүүнцэрээр ахлуулсан Цэвэгдоржийн Туваан нар ажлын хэсэгт нь багтсан малчдын нийгмийн даатгалын шимтгэлийг төр хариуцах хууль батлуулсан нь Монгол Улсын Үндсэн хууль зөрчиж байна.
Тодруулбал,
МОНГОЛ УЛСЫН ҮНДСЭН ХУУЛЬ.
1.2. Ардчилсан ёс, шударга ёс, эрх чөлөө, ТЭГШ БАЙДАЛ, үндэсний эв нэгдлийг хангах, хууль дээдлэх нь төрийн үйл ажиллагааны үндсэн зарчим мөн
14.1. Монгол Улсад хууль ёсоор оршин суугаа хүн бүр хууль, шүүхийн өмнө ЭРХ ТЭГШ байна.
14.2. Хүнийг үндэс, угсаа, хэл, арьсны өнгө, нас, хүйс, НИЙГМИЙН ГАРАЛ, БАЙДАЛ, хөрөнгө чинээ, эрхэлсэн ажил, албан тушаал, шашин шүтлэг, үзэл бодол, боловсролоор нь ЯЛГАВАРЛАН ГАДУУРХАЖ ҮЛ БОЛНО. Хүн бүр эрх зүйн этгээд байна гэж заасан.
Гэтэл П.Анужин, Ц.Туваан тэргүүтний ахалсан ажлын хэсгийнхэн эдгээр заалтыг зөрччихөөд байгаа. Үндсэн хуульд мал сүрэг төрийн хамгаалалтад байна гэж зааснаас биш, малчин төрийн хамгаалалт, хайр энэрлийг багш, цэвэрлэгч, үйлдвэрийн ажилчин зэргээс илүү хүртэнэ гэж заагаагүй юм.
Тиймдээ ч өчигдөр /2023.07.07/ батлагдсан уг хууль УИХ-ын гишүүд сонгуулийн санал, оноо авах гэж татвар төлөгч иргэн, аж ахуйн нэгжийн улсад тушаасан мөнгийг үр ашиггүй зарцуулах гэж байна. Олон тооны малтай, ашиг сонирхлын зөрчилтэй нэр дурдсан гишүүд улайран зүтгүүлсэн гэх хардлага шүүмжид өртөөд байна. Еер, наадамд ард иргэд анхаарлаа хандуулсан үед батлуулсан хуулийг Үндсэн хуулийн цэцэд өгчих хуульч иргэд байгаа биз ээ…
