Тулгар төрийн 2232, Их Монгол Улсын 817, Үндэсний эрх чөлөө, тусгаар тогтнолоо сэргээн мандуулсны 112, Ардын хувьсгалын 102 жилийн ой, Үндэсний их баяр наадмын хурдан морины уралдаанд баячуудын морь мэдээж хэрэг айрагдсан.
Тэд энэ жил өөрсдөө Төв цэнгэлдэхэд ирэхээсээ цэрвэсэн үү, олны хэл амнаас айсан уу яасан түрүүлж, айрагдсан морьдын бай, шагналыг гардуулах үеэр нэгэн цагт ар халхын атаман явсан Д.Хишгээгээс бусад нь харагдсангүй. Тухайлбал, Хязаалан насны уралдаанд Өвөрхангай аймгийн Хужирт сум, Шунхлай группийн eрөнхийлөгч Пүрэвийн Батсайханы тогоруу халзан зүсмийн морь айрагдаж торгон жолоогоо өргүүлсэн.
Түрүүлж, айрагдсан морьдын бай шагналыг гардуулах үеэр АПУ П.Батсайханы морийг хүү Б.Гантиг нь хөтлөн орж ирж байгаа харагдсан юм.
