Монголчууд бид нэгэндээ нэр хоч өгөхдөө сайн ард түмэн билээ. Тэгвэл энэ жилийн наадмын үзүүр, түрүүний бөхөд 5000-10000 ам.доллар өгсөн эр бол “Азуре Коал Монгол Майнинг” ХХК-ны захирал С.Мөнхбат. Ойр тойрныхон нь түүнийг доллар Мөнхөө гэдэг юм билээ. Угаасаа байгаагаа бусдад өгч явдаг нэгэн гэнэ шүү. Ам.доллар байвал доллар өгч, төгрөг байвал төгрөг өгсөөр ийнхүү доллар Мөнхөө гэх нэртэй болсон байх юм.
Тэрбээр Тулгар төрийн 2232, Их монгол улс байгуулагдсаны 817, Ардын хувьсгалын 102 жилийн ой, Үндэсний их баяр наадмын хүчит 512 бөхийн барилдаанд түрүүлсэн бөхөд 10.000 доллар, үзүүрлэсэн бөхөд 5.000 доллар тус бүр гардуулж хэлсэндээ хүрсэн. Үүнээс гадна хурдан морины уралдааны зургаан насны морьдын Айргийн таван морины унаач хүүхдүүдийг тус бүр нэг сая /1 000 000/ төгрөгөөр урамшуулсан.
Өөрөөр хэлбэл доллар Мөнхөө энэ баяр наадмаар амжилт үзүүлсэн бөхчүүд болон унаач хүүхдүүдийн урамшуулалд 100 орчим сая төгрөг зарцуулсан бийлэгжүү нэгэн болж таарлаа.
Түүний талаарх мэдээллийг нээлттэй мэдээллийн сангаас шүүхэд “Азуре Коал Монгол Майнинг” /Azurе coal mongolia mining/ ХХК-ны үүсгэн байгуулагч болох нь нээлттэй мэдээллийн сангаас харагдаж байв.
Доллар Мөнхөө буюу С.Мөнхбатын ам.доллар, мөнгө цацахаас гадна байр ч харамгүй тараадаг гэнэ лээ. Өмнө нь “Түмний байр” төслийг санаачлан эхлүүлж хоёр ч хүнийг орон байртай болгосон гэдэг юм билээ.
Сураг ажиг тавих нь ээ нэг эхнэр, нэг хүүхэдтэй, залуугаараа баяжсан нэгэн гэх юм билээ. Ямартай ч доллар Мөнхөө нь Английн Wonderful power mining компанийн хувьцаа эзэмшигч байдаг шүү. Үүгээр зогсохгүй Дорноговь аймагт нүүрсний томоохон ордын лиценз эзэмшдэг бөгөөд Асгатын мөнгөний ордыг авчихсан гэсэн яриа байдаг. Үнэн худал нь цаг хугацааны эрхээр тодрох бизээ.
