ОБЕГ-ын дарга, Бригадын генерал Г.Ариунбуян нөхцөл байдлын талаар “БЗД-ийн 21 хороо, Монелийн гудамж тэр чигтээ усанд автсан тул үүссэн нөхцөл байдалтай холбоотойгоор үерт өртсөн айл, өрхүүдэд Онцгой, Цагдаагийн алба хаагчид иргэдийг эрэн хайх ажиллагаа явагдаж байна.
Эрлийн явцад 15 орчим насны хүүхэд гэртээ үерт өртөж, нас барсан байдалтай олдлоо.
10 сартай бага насны хүүхэд аав, ээжийн хамт гүүр орчимд машинтайгаа осолдсон мэдээллийн дагуу Онцгой, цагдаагийн алба хаагчид эрэн хайх ажиллагааг хийлээ. 10 сартай хүүхдийн ээж, аавын биеийн байдал хүндэвтэр байгаа гэсэн мэдээллийг Эрүүл мэндийн байгууллагаас авсан.
Айл өрхүүдийн гэрэл цахилгааныг үерийн аюулаас сэргийлж тасалсан байгаа. Үерээс үүссэн лаг шаврыг мөн цэвэрлэх ажил явагдаж байна. Үүсээд байгаа нөхцөл байдалд усархаг аадар бороо, үер усны аюул нөлөөлөхөөс гадна ус дамжуулах шугам сүлжээний асуудал хүндрэл үүсгэж байна” гэсэн мэдээлэл өглөө
