Юнескогийн Хүн төрөлхтний соёлын биет бус өвд Монгол улсаа төлөөлөн бүртгэгдсэн Хөхүүрийн айрагны соёлын Монголын хамгийн том баяр “АЙРАГ ФЕСТИВАЛЬ- 2023” 14 дэх удаагийн наадмын “ СУРЫН ХАРВАА”-нд Булган, Улаанбаатар, Эрдэнэт, Дорнод аймгийн нийт 50 гаруй харваачид Буриад сурын харваагаар өрсөлдлөө.
Сурын харваанд МУ-ын мэргэн 4, аймгийн мэргэн 5, спортын мастер 6 оролцлоо.
Эрэгтэй сурын харваанд Тэргүүн байрыг Булган аймгийн Тэшиг сумын уугуул, Булган сумын Өлзийбүрэн холбооны харваач М.Мөнхбаатар, Дэд байрыг Завхан аймгийн Дөрвөлжин сумын уугуул, Орхон аймгийн Хангарьд клуб, Оргил Хужирт ХХК-ийн харваач, Буриад сурын спортын мастер Х.Баасанхүү, Гутгаар байрыг Булган аймгийн Бүрэгхангай сумын харьяат Залуу харваач Д.Галбадрах, Дөрөвдүгээр байрыг Булган аймгийн Тэшиг сумын уугуул, Уулын баяжуулах Эрдэнэт үйлдвэр, Хангарьд спорт хорооны тамирчин залуу харваач О.Найрамдал, Тав дугаар байрыг Төв аймгийн Зуунмод сумын уугуул Уулын баяжуулах Эрдэнэт үйлдвэр, Хангарьд спорт хороо, Төв аймгийн Зуун мэргэн сурын холбооны харваач, Буриад сурын Спортын дэд мастер Э.Цогбаяр нар эзэллээ.
Эмэгтэй сурын харваанд Тэргүүн байрыг Дорнод аймгийн Хөлөн-Буйр сумын уугуул, Баяндун сумын харьяат, Баяндун сумын ЭМГ, Ультрасоник ХХК-ний харваач Ч.Гандаваа, Дэд байрыг Дорнот аймгийн Булган сумын уугуул, Баргудай Мэргэн клубын харваач, Буриад сурын спортын дэд мастер А.Цэвэлмаа, Гутгаар байрыг Булган аймгийн Дашинчилэн сумын уугуул, Булган сумын Өлзийбүрэн сурын холбооны залуу харваач М.Мөнхзул, Дөрөвдүгээр байрыг Булган аймгийн Бүрэгхангай сумын харьяат Орхон аймгийн Хангарьд клубын харваач, Буриад сурын аймгийн мэргэн Л.Мөнхзаяа, Булган аймгийн Бүрэгхангай сумын уугуул, Бүрэгхангай сурын холбооны залуу харваач Г.Намуун нар эзэллээ.
