Монгол ардын богино болон уртын дууг өөрийн донж, хэв маягаар дуулдаг дуучин Б.Батцэцэглэн. Тэрээр уран бүтээлээ орчин цагийн өнгө аястай хослуулан туурвидгаараа онцлог . Монгол намба төрх, ааль, ялдам түүнийг хаанаас ч харсан үзэсгэлэнтэй, жинхэнэ Монгол өнгө төрхийг өвлөн төрсөн гэхэд хилсдэхгүй.
Дуулахын зэрэгцээ “Цэцэглэн” хувцас оёдлын салонтой. Тоглолт дээр номероо хүлээх зуураа зүү ороох ч юм уу, юм оёод суучихдаг. Гэртээ зав чөлөө гарвал толгойн гоёл хийж, өдөр тутамдаа өмсөх даашинз, дээлээ өөрөө оёдог гэсэн шүү. Тэрээр Нүүдэлчин Дэлхийн Фестиваль -2023 наадмын үеэр манай дуранд өртсөн юм.
