Тогонд цохиулсны улмаас хоёр гараа алдсан, С.Оюунчимэг бүсгүйг хиймэл гартай болгох хандивын аяныг эхлүүлж, 57 сая төгрөг цугларчээ.
Түүнийг анх цахим орчинд контент хийдэг залуус болох “Alagaa & Nyamka” нийгэмд таниулж байсан бөгөөд С.Оюунчимэг бүсгүйг гартай болгох хандивын аяныг өнгөрсөн долоо хоногт эхлүүлж, одоо 57 сая төгрөг цугларч хиймэл гар хийлгэх боломжтой болсон байна.
Энэхүү хандивын зорилго нь 40 сая төгрөг байсан ч нийт 57 сая төгрөг цугларч, С.Оюунчимэг бүсгүй илүү хандиваасаа 7 сая төгрөгийг нь 25 сая төгрөгийн хандив цуглуулж өгсөн дуучин Нарад буцаан өгч, хандив, тусламж хэрэгтэй бусад хүмүүст туслахыг хүсчээ.
