Хоёр мянгаад оны үед “Зүүдний дагина”, “Миний нулимсыг салхи л арчина даа”, “Өвлийн шөнө” зэрэг дуугаараа залуучуудыг байлдан дагуулж байсан хамтлаг бол “Фрийзон” юм.
Хайрын баярыг тохиолдуулан “Фрийзон” хамтлаг тэр үеийн залуусын дурсамжыг сэргээхээр бүрэн хэмжээний тоглолтын зараа дуулгажээ. Тэд тоглолтонд ирэхдээ залуусыг тэр үеийн стиллээр хувцаслаж ирэхийг хүссэн байна. Тоглолтын ерөнхий зохион байгуулагчаар BRB Agency ажиллаж байгаа гэнэ. Бас нэг бэлэг нь тус тоглолтын хөтлөгчөөр “Үнэн үү ток шоу”-р ард түмэн андахгүй мэдэх саяхан телевизийн ертөнцдөө эргэн ирсэн NB буюу Нямбаяр ажиллахаар болжээ.
Тухайн үеийн бүхий л дурсамжуудаа сэргээж, нэгэн өдрийг хайртай хамтлагтайгаа хамт өнгөрүүлэхийг хүсвэл та бүхэн 02-р сарын 14-нд “Crocus event hall”-д урьж байна. Энэ удаагийн тоглолтондоо “Freezone” хамтлаг хит болсон 20 гаруй дууг амьд хөгжимтэйгөөр дуулна.
