Монголын дууны урлагт жишиг болсон уран бүтээлч гэр бүлүүд цөөнгүй. Тэдний дундаас олон уран бүтээлчдийг дуу хуураараа хөглөж, хөлийг нь дөрөөнд гарыг нь ганзаганд хүргэсэн уран бүтээлчид бол МУУГЗ, Хөгжмийн зохиолч Д.Цэцэрлэг, Цагдаагийн хурандаа, МУСГЗ Л.Гаваасүрэн нар юм. Тэд тоолж барашгүй олон сайхан жинхэнэ “хит” уран бүтээлүүдийг туурвисан, туурвиж буй эрхэмүүд юм.
Шинэ уран бүтээлчид хуучны уран бүтээлийг шинэчлэн дуулах нь түгээмэл. Харин саяхан сошиал ертөнцөд өөрийн тоглолтын өмнө нэгэн залуу уран бүтээлч нэгэн дууг дуулж оруулсан нь олны анхааралд өртөөд авсан юм. Энэ бол дээр дурьдсан эрхэмүүдийн хит бүтээлүүдийн нэг “Хүлээсэн учрал” дуу юм.
МУУГЗ, Хөгжмийн зохиолч Д.Цэцэрлэг багшийн аялгуу, Цагдаагийн хурандаа, МУСГЗ Л.Гаваасүрэнгийн шүлэг уг уран бүтээлийг анхлан МУГЖ Д.Энхзул дуулан амьдруулж олны хүртээл болгосон.
https://www.youtube.com/watch?v=gFke9gGmsj4
Хуучны дууг шинэчлэн дуулахдаа дууны яруу найрагч, хөгжмийн зохиолчоос албан ёсны зохиогчийн эрхийн зөвшөөрөл авч дуулах ёсонд монголын уран бүтээлчид суралцсаар л яваа юм. Түүний нэг жишээ бол өөрийн бие даасан анхны тоглолтын өмнө шуугиан тариад авсан Т.Баярхишиг юм. Түүнийг хар pr-ээр тоглолтын рекламаа хийлээ хэмээн зэмлэх хүмүүс олон байлаа. Ямар ч аргаар хамаагүй хүнд танигдах хэрэг хааяа гардагдаа гэж ойлгох нэгэн байхад хаа хамаагүй хүмүүсийг хүртэл онцллоо гэж ихэд л зэмлүүлээд авсан. Ямартай ч залуу уран бүтээлч манай уг дууны зохиогчдоос албан ёсны зөвшөөрөл авч уг дууг бүтэн дуулсан бичлэгээ сошиал хуудсандаа оруулжээ.
“Хүлээсэн учрал” дууг хэн сайн амилуулсанг уншигч та бүхэн дор бүрнээ тунгаах биз ээ.
Б.Мөнхжаргал
