Францын кино урлагийн домог, XX зууны сайхан залуучуудын нэг, 1960-аад оны үед Европ тивийн хамгийн үнэ цэнэтэй жүжигчин, секс бэлэг тэмдэг хэмээн нэрлэгдэж байсан Ален Делон 88 насандаа өөд болжээ.
Тэрээр Францад гэртээ хайртай дотны хүмүүсийнхээ дэргэд хорвоогийн жамаар өөд болсон гэдгийг албаны эх сурвалжууд батлав.
Франц улсын нэрт жүжигчин Ален Фабиан Морис Марсель Делон 1935 оны 11 сарын 8-нд төржээ. Амьдралынхаа турш нийт 90 гаруй уран бүтээлд оролцсон тэрээр 2017 онд жүжигчний мэргэжлээс зодог тайлсан бөгөөд 2019 онд цус харваснаасаа хойш олон нийтийн өмнө бараг гараагүй юм. Учир нь Ален Делон цус харвасныхаа дараа хорт хавдар, альцгеймер өвчин туссан нь олон нийтийн санааг зовоож байсан.
