Чингэлтэй дүүргийн Засаг даргын Тамгын газар, дүүргийн Соёлын төв хамтран ерөнхий боловсролын сургуулийн сурагчдын дунд Үндэсний өв соёл, ёс заншил, соёлын нандин өв болсон монгол бичгийг хойч үедээ өвлүүлэн уламжлуулах, сурталчлах, сурагчдын монгол бичгийг сурч, эзэмших, мэдлэгийг дээшлүүлэх зорилготой “Бахархалт Монгол Бичиг” уралдаан зохион байгууллаа.
Тус уралдаан “Монгол бичгийн сорил”, “Бийрэн бичлэгийн бүтээл”, “Зөв цэвэр бичигтэн анги хамт олон” гэсэн 3 төрлөөр явагдаж шилдгүүдээ тодрууллаа.
Эх хэлний боловсролыг дээшлүүлэх “Бахархалт монгол бичиг” тэмцээний шагнал гардуулах ёслолд дүүргийн Засаг даргын Тамгын газрын дарга Ж.Лхагвасүрэн, Нийгмийн хөгжлийн хэлтсийн дарга Г.Гүррагчаа, Боловсролын хэлтсийн дарга Д.Ариунболд, Статистикийн хэлтсийн дарга Д.Мөнхзул нар батламж, мөнгөн урамшуулал гардуулан өгч, амжилт хүслээ.
