Шүүх нээлттэй болж байгаа. Энэ нь олон жилийн өмнөөс тасралтгүй шинэчлэл хийж байгаатай холбоотой. Харин уг ажлыг хэрэгжүүлэгчид нь он цагийн эрхэнд солигдохтой зэрэгцэн төрийн залгамж халаа, бодлого үргэлжлэх ёстой гэдэг зарчим алдагдсантай холбоотойгоор шүүх эргээд хаалттай болж байна.
Тодруулбал, төрийн нууц болон насанд хүрээгүй хүүхдийн хохирсноос бусад хэргийн шүүх хурал хаалттай явагддаг. Харин уг хуралд оролцогчдын нэр, ямар хэрэгт буруутгагдаж байгаа буюу Эрүүгийн хуулийн аль зүйл ангиар яллагдаж байгаа нь нээлттэй байх ёстой. Тэдгээрийг нуух зарчим, журам ч байхгүй.
Гэтэл өнөөдөр Баянгол, Хан-Уул, Сонгинохайрхан дүүргийн эрүүгийн хэргийн анхан шатны тойргийн шүүхийн хурлын зар дээр шүүгдэгч нарын нэрийг нууцалж байна. Зүйл анги нь гүйцэтгэх ажиллагааны журам зөрчсөн болон хар тамхины хэрэг. Хаалттай шүүх хурлын шүүгдэгч нарын нэрийг зарлах нь нууцад хамаарахгүй бөгөөд ийнхүү нууцалжээ. Үүнийг дараах линкээрhttps://bkhs-criminalcourt.gov.mn/i/4150 орж 45 дахь хурлын зараас харж болно.
Үүнийг залруулахаар албаны эх сурвалжтай холбогдоход нууцын ажилтан шинэ хүн болсон болохоор засуулж байнаа гэв. Гэвч засвар нь гурав болон түүнээс олон цаг боллоо. Мөн л засагдаагүй хэвээр л байна.
Ажилчид нь шинэ, туршлагагүй байж болно. Харин алдааг нь хянах гэж тамгын газрын дарга, даамлууд байдаг. Тэд ажлаа хийж чадсангүй юу чадамжгүй байна уу гэдэг эргэлзээ төрүүлж байна. Ингэж хэлэхийн учир нь тус шүүхээс өмнө нь шүүх хурлын зарыг үзэхээс ч дургүй хүрэм байдлаар гаргаж байсан удаатай. Анхан шатны нэг шүүх нь нэг төрлийн алдааг удаа дараа гаргах нь юуны учир вэ? Шүүхийн ажилчдаа чадавхжуулахад анхаараад өгөөч Н.Мөнгөнцэцэг дарга аа!!!
