Дэлхийн бүжгийн спортын холбооны (WDSF) Хореографик дэлхийн аварга шалгаруулах тэмцээн 06-р сарын 1-нд Португаль улсын Брага хотод амжилттай зохион байгуулагдаж өндөрлөлөө.
Тус тэмцээнд Д.Батсайхан, Б.Ууганцацэг дасгалжуулагчидтай “Star dance” студийн дэргэдэх “Star girls” хамтлаг өсвөр насны хореографик жижиг багийн төрөлд 1-р байр, О.Эрдэнэ-Очир, Б.Халиун дасгалжуулагчидтай “Royal dance” клубын дэргэдэх “Royal dance” хамтлаг залуучууд насны хореографик том багийн төрөлд 1-р байр, насанд хүрэгчдийн насны хореографик том багийн төрөлд 1-р байр тус тус эзэлж монголын бүжгийн спортын холбооны түүхэнд анхны дэлхийн аваргууд боллоо.
Монгол улсыг төлөөлөн “Star dance” студийн дэргэдэх “Star girls”, “Royal dance” клубын дэргэдэх “Royal dance” хамтлагууд анх удаа оролцсон нь ийнхүү амжилт үзүүлж байгаа нь энэ юм.
