Ажлаас гарсан шүүгчийн туслах, шүүх хуралдааны нарийн бичгийн дарга нарын цалингийн зөрүүг өнөөг хүртэл олгоогүй асуудал газар авч, ШЕЗ хууль ёсны үүргээ биелүүлэхгүйгээр эрхийг нь зөрчиж байгаа асуудлаар шүүхийн байгууллагад ажиллаж байсан иргэд “шүгэл үлээлээ”
Тодруулбал,
2021.01.15 – Монгол Улсын Их Хурал шүүгчийн туслах, нарийн бичгийн дарга нарын цалинг ХОЁР дахин нэмэгдүүлэх 03 дугаар тогтоол баталж, 2022.01.01-ээс хэрэгжүүлэхийг Засгийн газарт даалгасан.
2022.01–05 сар – Засгийн газар тогтоолыг хэрэгжүүлэх арга хэмжээ авалгүй, ажилласан хугацааны цалинг нэмэгдүүлэх шийдвэр гаргаагүй.
2024 онд – Нийслэлийн Захиргааны хэргийн шүүх Засгийн газрын хууль бус эс үйлдэхүйг тогтоож, захиргааны акт гаргах үүргийг даалгасан. Шийдвэр хүчин төгөлдөр болсон.
2025 он – ШЕЗ ажиллаж байгаа болон хүүхэд асарч байгаа ажилтнуудад цалинг нөхөн олгосон. Гэвч ажлаас гарсан 283 шүүгчийн туслах, нарийн бичгийн дарга нарын цалинг өгөөгүй, ялгаварлан гадуурхаж байна.Өөрөөр хэлбэл 726 хүн цалин авах ёстой байсан ч 283 хүн хохирч үлдэж байгаа юм.
Энэ нь
-
Монгол Улсын Засгийн газрын тухай хуулийн 30 дугаар зүйл
-
Төрийн албаны тухай хуулийн 61 дүгээр зүйл
-
Монгол Улсын Их Хурлын 2021.01.15-ны өдрийн 03 дугаар тогтоол
-
Захиргааны хэрэг шүүхэд хянан шийдвэрлэх тухай хуулийн 106, 112, 115, 120 дугаар зүйлийн тус тус зөрчиж байгааг эрх ашиг нь зөрчигдсөн шүүхийн байгууллагад ажиллаж байсан иргэд мэдэгдэж байна.
Энэ нь ШЕЗ хууль ёсны үүргээ биелүүлэхгүй, ажлаас гарсан шүүгчийн туслах, нарийн бичгийн дарга нарын эрхийг зөрчиж байгаа үйлдэл тул энэ үйлдэлд өмгөөлөгч нараас тусламж, хэвлэл мэдээллийн байгууллагуудыг уг асуудалд анхаарал хандуулж өгөхийг тус тус хүссэн байна.
Бид ирсэн уг мэдээллийн мөрөөр эргэж мэдээлэх болно.
