Жүжигчин У.Цогтбаяр өөрийн цахим хуудсаар дамжуулан иргэний гомдлын дагуу шалгуулсан талаараа мэдээлэв.
Тэрбээр, “Дэлгүүр дээрээ хар тамхи хэрэглэсэн гэсэн иргэний гомдлын дагуу шалгаж байна гээд хоёр мөрдөн байцаагч ирж, намайг дэлгүүрээс аваад явлаа. Хар түгжрээнд хамаг цагаа үрж, байцаагдаж, ‘Сарьж’ кинонд гардаг шиг зургаа авхуулаад л гараад ирлээ. Хэнд ч гай болохгүй, мөрөөрөө зүгээр л амьдармаар байдаг” хэмээн бичжээ.
Мөн тэрээр гомдол гаргасан этгээдэд хариуцлага тооцох шаардлагатайг онцлоод, “Хуурамч дуудлага өгсөн гээд торгоосой. Нэг бол миний алдсан боломжийн өртгийг төлөөсэй. Цаг бол миний хувьд алтнаас ч үнэтэй. Дараагийн удаа би борлуулалтаа хиймээр байна, ‘зайл’ л гэж хэлнэ шүү” хэмээн бухимдлаа илэрхийлсэн байна.
