Нийгмийн идэвхтэн Ч.Ганжавхлан цахим хуудсаараа дамжуулан иргэдийн хандлагын талаар байр сууриа илэрхийлжээ. Тэрээр хүмүүс бусдын хувийн амьдрал, сенсаац дуулианд хэт анхаарал хандуулж байгааг шүүмжилсэн байна.
Тодруулбал тэрбээр:
“Томокогийн хувийн амьдрал, Нарагийнд хулгайн орсонд санаа зовдог шигээ өөрсдийнхөө хүүхдэд санаа зовчихсон бол ингэж суухгүй л дээ…” хэмээн бичжээ.
Түүний хэлснээр олон нийтийн анхаарал нийгэмд бодитоор тулгамдаж буй асуудал, тэр дундаа хүүхдийн хүмүүжил, гэр бүлийн орчинд илүү чиглэх ёстойг онцолсон байна.
Сүүлийн үед цахим орчинд олны танил хүмүүсийн хувийн амьдрал, янз бүрийн дуулиан шуугиан ихээр яригдаж байгаа энэ үед Ч.Ганжавхлан ийнхүү хүмүүсийг өөрийн гэр бүл, хүүхдүүддээ илүү анхаарал хандуулахыг уриалжээ.
