Татвар төлөгч та бидний татварт төлсөн мөнгө үр ашиггүй зарцуулагдаж байгаа жишээг олон удаа харсан. Тэгвэл татвар төлөгч та бидний татварт төлсөн мөнгөөр Хилийн цэргийн хурандаа Д.Гантуяа гэгч хоёр газраас давхар цалин авсаар байна.
Тодруулбал, Хилийн цэргийн хурандаа, Хууль зүй, дотоод хэргийн яамны санхүү, хөрөнгө оруулалтын газрын дарга Д.Гантуяа гэгч нь Төрийн тусгай алба хаагчдын нэгдсэн эмнэлэгт Төлөвлөлт, үйл ажиллагаа эрхэлсэн дэд захирлаар ажиллаж байна.
Цагаан дээр хараар бичсэн бүх нийтэд жигд үйлчлэх ёстой хуулиар бол Д.Гантуяа түр орлогчоор ажиллах боломжтой болохоос хоёр газраас цалинжих нь хууль бус үйлдэл юм. Хууль бус энэхүү үйл ажиллагааг шалгах, таслан зогсоох байгууллага нь Төрийн албаны зөвлөл юм. Бид энэхүү асуудлаар Төрийн албаны зөвлөлд хандаж Д.Гантуяа гэгчийн талаар өргөдөл гаргаж байгаа.
Учир нь цэргийн цол бол хамгийн багадаа салбартаа 20 болон түүнээс дээш жил ажиллаж байж авдаг цол. Гэтэл хаана ажиллаж байсан нь тодорхойгүй хүн ийнхүү гэнэт хурандаа цол зүүгээ гараад ирэхэд хилийн цэрэгт насаараа зүтгэсэн хүмүүсийн эгдүүцлийг хүргэж байгаа
Үндсэн чиглэлийн яамны санхүүгийн хэлтсийн дарга нь өөрөө ийнхүү “хулгай хийж” байгаа нь хамар доороос хулгай хийж байгаагаас өөрцгүй явдал гэдгийг тайлбарлах хүн ч байна.
Тиймээс бид Д.Гантуяагийн талаар Хил хамгаалах ерөнхий газар, ХЗДХЯ, ТТАХНЭ, ТАЗ-өөс тодруулан эргэж мэдээлсээр байх болно.
А.Баярмаа
