Монголын сэтгүүл зүйн нэрт төлөөлөгч, зохиолч, Соёлын гавьяат зүтгэлтэн Цэндийн Балдорж-ийн “Хориотой жүжиг” 20 жилийн дараа шинэчлэгдсэн постдрам хэлбэрээр тайзнаа амжилттай тоглогдож, үзэгчдээс өндөр үнэлгээ хүртээд байсан билээ.
Тэгвэл тус бүтээл үзэгчдийн хүсэлтээр дахин тайзнаа тоглогдохоор болж байна. Жүжгийг “Балдорж” сан болон Х ТҮЦ продакшн-ы албан ёсны зөвшөөрөлтэйгөөр Орфей театр, Хэрмэл крю хамтран орчин үеийн шийдэл, шинэ найруулгаар дахин хүргэж буй юм.
Нийгмийн эмзэг, “хориотой” сэдвийг зоригтойгоор хөндсөн уг жүжиг нь шинэчлэгдсэн хувилбараараа үзэгчдийг гүн бодолд автуулж, хүчтэй сэтгэгдэл үлдээсэн бүтээл болоод байгаа билээ.
“Хориотой жүжиг” постдрам тавдугаар сарын 1-нээс 10-ны өдрүүдэд ердөө 10 удаа тоглогдох тул үзэгчид амжиж үзэхийг урьж байна.
