Эмэгтэй хүнээс ганц л алхам холдвол түүнд бурхан хүртэл шунадаг.
Эрчүүд минь заавал уншаарай
Эмэгтэй хүн тэвчиж тэвчиж гэнэтхэн яваад өгдөг юм
Энгэрээ нэвчтэл асгарч зүрхээ шархиртал гуйгаад цөхөрдөг юм
Инээж цалгин явахад нь оосорлоод авснаа мартан цалгихад чинь
Энэ надаас хаа холдохов гээд бардам наргиад явахад чинь
Ухаажих байх гэж дотроо өмөлзөөд
Уртхан шөнүүдийг нулимсаараа үдээд
Ургах нарыг худал инээмсэглэлээр угтаад
Урдаас чинь мишээгээд суудаг юм
Гэвч залуу минь энэ бүхэн удаан үргэлжлэхгүй ээ
Гэнэхэн тэр чинь нэг л өдөр ухаарна
Гэзгээ задгайлж үзэсгэлэнтэй гэдгээ мэдрээд
Гэрээс чинь тэр үүрд нисэн одно
Эмэгтэй хүн гэдэг чинь
Эрвээхэй шиг алган дээр чинь зөөлхөн буусан шигээ
Ирмэж ч амжихаас чинь өмнө алсардаг нэгэн
Тэвчээрийн тэлээг нь тасартал бүү чангал!!
Бавуугийн Лхагвасүрэн
