“Mongol HD” телевизийн захирал Г.Бат-Эрдэнэ чамгүй олон дагагчийг өөрийн сошл хуудаснаа цуглуулж чадсан нэгэн. Мэдрэмжтэй бөгөөд хөгжилтэй бичвэрүүдийг өөрийн цахим хуудаснаа нийтэлдэг тэрбээр энэ удаад эмэгтэй хүнийг хайрлах ухаанаас дагагчидтайгаа хуваалцжээ.
Энэ тухай тэрбээр “Хүний охиныг хайрлаж яваарай. Эмэгтэй хүнийг хайрлахад тэгээд нэг их зүйл хэрэггүй шүү дээ. Ходоод нь хоолоор, данс нь мөнгөөр, зүрх нь хайраар, дурсамж нь инээдээр, амьдрал нь халамжаар, гэр нь үрээр, ор нь жаргалаар дүүрэн байхад л болдог гэж боддог доо” хэмээсэн байна.
Түүний гэргийг “Mongol HD” телевизийн захирал Ч.Номин гэдгийг олон нийт сайн мэднэ. Тун ч романтик хосуудын тоонд зүй ёсоор бичигдэх тэдний харилцааны нууц ердөө энэ аж.
