Сүү үнэртсэн ижийхээ энгэрт эрхэлж үнсүүлмээр
Сүүдэр бараадан гэрийнхээ хаяанд нь нэг суумаар
Сүлэгдсэн шаргал цайг нь хөлс гаргаж оочилмоор
Сүрдэм өндөр уулсаа хөлөө эцтэл алхмаар
Аавын үнэртээ дээлийг өрөөлдөж нөмөрч унтмаар
Аргалын галтай гэртээ өдөржин загнуулж хэвтмээр
Аагтай борцтой цайгаа эмээтэйгээ хувааж уумаар
Адууны үнэртэй нутагтаа зарагдсан морь шиг гүймээр
Хоргол бууц үнэртсэн хондондоо нэг хөрвөөмөөр
Хорол тоонотой гэрээ үхэр тэргэнд ачаалмаар
Холоос нүүсэн айлын тоссон цайг уулцмаар
Хонгор бага насандаа эргэж нэг очмоор
Жижигхэн гоё чулуугаар найзтайгаа гэр барьмаар
Жингэнэсэн хонхтой бойтгоо үнэрлэж өмсөж үзмээр
Жимсэнд хамт алхсан хөөрхөн жаалуудтай алхмаар
Жиргээ болжмор шиг шулганан тэдэнтэй цуг тогломоор
Аавын алганы амтыг ахиад нэг мэдэрмээр
Ачит сайн ижийдээ аашлуулж загнуулж зодуулмаар
Азай буурал аавдаа үглүүлж хэлүүлж сургуулмаар
Алдрай хонгор насандаа давхиад нэг очихсон
Н.Дүгэржав
