С.Ононбат шүүгч “Говь”-ийн өнгө төрхийг тодорхойлно
“On and off”-ийн гэдгээрээ олноо алдаршсан МУГЗ С.Ононбат өдгөө үзэгчдийг цэнхэр дэлгэцийн өмнө уях болсон Voice of Mongolia шоуны шүүгч, дасгалжуулагчаар ажиллаж байгаа.
Тэгвэл тэрээр монголын хамгийн том компаниудын нэг “Говь”-ын нүүр царай болж, 2020 оны шинэ коллекцийн өнгө төрхийг тодорхойлж эхэлжээ.
С.Ононбатын хувьд загвар өмсөж байсан туршлагаггүй. Харин загвар өмсөгч, урлагийн “од”-уудтай ажиллаж байсан туршлага их бий.
Дашрамд дуулгахад, Рок, попын ертөнцөд од болон гялалзаж, аль хэдийнэ өөрийн гэсэн орон зайг буй болгосон С.Ононбат урлагийн сургууль төгсөөгүй нэгэн гэсэн.
Тэрбээр МҮОНТВ-д туслах ажилтан, тайз засагч, найруулагчаар ажиллаж байсан бөгөөд энэ тухайгаа “Би сургууль төгсөөгүй. Телевизэд анх тайз засагчаасаа эхлээд ажиллаж эхэлсэн. Туслах, ассисент гээд бүх шат дамжлагаар дамжиж, найруулагч болтлоо ажилласан л даа. Тэр үед миний хүсч байсан чиглэлээр хуваарь яг үнэндээ ирээгүй юм. Би практикаар л яваа хүн” хэмээн ярьсан удаатай.
