МУАЖ Г.Равдан эмийн санч зодсон хэргээр торгууллаа
Цахим орчинд 2020.04.02-ны өдөр хөнгөлөлттэй эмийн сангаар үйлчлүүлж байсан ахимаг насны эр эмийн санчийг үсдэж байгаа бичлэг тарсан.
Бичлэг орох
https://www.facebook.com/100500384802896/videos/231888834674028/
Тэгвэл бичлэг дээрх ахимаг насны эр Монгол Улсын Ардын жүжигчин, МУГЖ, Архангай аймгийн Хашаат сумын уугуул тайз дэлгэцийн урлаг, өгүүлэхүйн ухааны нэрт мастер, Тайхар нэгдлийн хүндэт гишүүн Г.Равдан болохыг бид өмнө нь мэдээлсэн.
Уг хэргийг Баянгол дүүргийн цагдаагийн газарт шалгаж дуусчээ. Зодуулсан гэгдэх эмийн санч бүсгүйн биед гэмтлийн зэрэг тогтоогдоогүй тул жүжигчин Г.Равданд зөрчлийн хуулиар хариуцлага тооцож 100 000 төгрөгөөр торгож хэргийг хаасан байна.
Жүжигчин Г.Равдан нь Улсын Багшийн Дээд сургуулийн Кино драмын ангид элсэн орж 1975 онд В. М. Бейлис, Д. Маамхүү нарын удирдлаганд суралцаж төгссөн. 1975.1987 он хүртэл Улсын драмын эрдмийн театрт жүжигчин, 1987-1994 онд Монгол кино үйлдвэрт жүжигчин, 1994 оноос Монголын радиод нэвтрүүлэгч, хөтлөгч, Монголын үндэсний телевизэд орчуулгын киноны жүжигчнээр тус тус ажиллаж байсан юм.
