Мөргүүлсэн хоёр настай охины биеийн байдал хүнд, сэхээн амьдруулах тасагт эмчлүүлж байна
Өнөөдөр /2020.08.07/ 14:00 цагийн байдлаар Сонгинохайрхан дүүрэг, Зүүн салааны орчимд нэгэн харамсалтай осол гарсан. Тодруулбал: Согтууруулах ундаа хэрэглэсэн эмэгтэй айлын хашаа болон гэрийг мөргөж, дотор нь байсан хоёр болон гурван настай хүүхдийг 20 гаруй настай эхийнх нь хамт мөргөж гэмтээсэн ноцтой осол гаргасан билээ.
Энэ тухай эмнэлгийн байгууллагаас тодруулахад:
“Хоёр настай хүүхдийн биеийн байдал хүнд, тархины битүү гэмтэлтэй, унтаарсан, гадаах орчны байдалд хариу үйлдэл үзүүлэх чадвар хомс. Одоо ГССҮТ-ийн Эрчимт эмчилгээний тасагт эмчилгээ хийлгэж байгаа. Харин эхийнх нь хувьд арьс зулгарсан, цээжний битүү гэмтэл авсан. Гурван настай хүүхдийн хувьд гар болон хөлөө гэмтээсэн” гэв.
Өдгөө Сонгинохайрхан дүүргийн цагдаагийн байгууллагаас хэргийн газрын үзлэгийг хийж байна.
Хохирогчдын ар гэрийн мэдээлж буйгаар:
Осол болох үед тухайн тээврийн хэрэгслээс бага насны хүүхдүүд болон согтуу хоёр эмэгтэй бууж ирсэн хэмээх тайлбарыг өгөөд буй.
