ОДОО ИНЭЭХГҮЙ ЭЭ ОЮУКА САЙДАА …
ТЭЭВЭРЧИД БАЛАРЛАА … ДЭЭРЭМДҮҮЛСЭН ЦАВЧУУЛСАН … НЭГ НЭГЭЭРЭЭ ҮХЭЭД ЭХЭЛсЭН …
…. 30 жил ханилсан ханиа байхгүй болсонд итгэж эвлэрч чадахгүй юм. 60 хоног кабиндаа тусгаарлагдаж, хөлөө жийгээд сууж ч чадахгүй. Хоригдол шиг цомцойж суугаад давчуу зайд жолоогоо дэрлээд, хэрхэн зовж 60 хоног тэсч байсан болдоо гэхээс өрөвдөх юм…. гэж өр эмтэрч уйлах нэгэн эмэгтэй, өнчирсөн 6 хүүхэдтэй гэр бүлийн өмнө дөнгөж сая толгой гудайн сууж байгаад гарч ирлээ.
2020.06.06 – 2020.08.06 хүртэл яг 60 хоног онцгой байдлын дэглэмд машиндаа тусгаарлагдан тэсээд, ганц рейс хил гаргаад маргааш бууна гэж утсаар “лайв калл” хийж кабиндаа хоносон хань нь тэр шөнөдөө өнөөх шалаанзны “тусгаарлах кабинд”-аа мөнх бусыг үзүүлжээ.
Бидний л нэг адил үр хүүхэд гэр бүлээ тэжээхээр, онцгой дэглэмийн хатуу дэглэмд тээвэр хийж байсан нэг сайхан аав ийнхүү зүрх нь гэнэт зогсож зуурдаар нас барлаа.
Хэчнээн эрсийн шөрмөсийг татуулж, цөхрөлийг нь барж, хэдэн хүний амь, эрүүл мэндээр босох ёстой экспорт юм бээ Оюун-Эрдэнэ сайдаа !!!
Идэр есийн жаварт чиний талд жагсаж “Энхболд огцор ” гэж шудрага ёсыг хайсан залуус, энд халуун говьд, хилийн бүст танай засгийн боловсруулсан “Хүн тамлах -тусгай тээвэрт” нэг нэгээрээ үхэж эхэллээ Оюун-Эдэнэ сайдаа.
+45 хэмийн халуунд, яс кабины цоожинд тэсч байгаа тээвэрчдийн зориг тэвчээр нь хүрэвч, эр бие нь дийлэхгүй үхэж байна.
Ганц экспортын замаа мөлжиж гүзээ их суусан. Дор бүртээ дош газраа эрх дархаа тогтоосон, толгойгоо мэдсэн олон дарга нар , цавчаач дээрэмчин, эрх мэдэлтнүүдийг дараад чөдөрлөөд, Гашуун сухайтын баянзамд нэг төртэй, нэг хуультай, нэг засагтай гэдгийг ойлгуулаад өгч чадахгүй байна уу ТА.
Цагаан хаданд нас барсан хоёр талийгаачийн нэг нь 39 хөн настай, нөгөө нь 50 хүрээгүй 6 хүүхдийн эцэг, айл гэрийн хоймор байжээ.
7 тэрбум тонн нүүрстэй энэ Тавантолгой -д идэр залуус, ид сайхандаа ингэж нэг нэгээрээ үхээд байх уу…
Тээвэрчид эрхээ зөрчүүлнэ, хөдөлмөрөө мөлжүүлнэ. Авилгачдыг таргалуулна. Аархууд нь зодуулна.Торгуулна .
Оюун Эрдэнэ сайдаа… Танай засгийн сайдын гаргасан 80+шийдвэрийг энд Тавантолгойд захын уурхайн хурган дарга, хувийн компанийн хөтөч хоёр үл тоон дэвсэлж ЭЛЭГЛЭЖ байна. Нэг намын маань, шинэ бацааны засаг гэж таныг басамжилж байна.
Одоо боллоо шдээ Оюун-Эрдэнэ сайдаа.
Нэг бол тээвэрчид дээр та ирж 45 хэмийн халуунд дөрвөлжин кабинд нэг өдөр хамтдаа тусгаарлагдаж ҮЗ.. тэгээд НЭГ ДУГУЙНЫ ҮНЭ ХҮРЭХГҮЙ ЦАЛИН АВААД ҮЗ.
Нэг бол энэ тээвэрчдийн амьд явах эрхийг нь хамгаалах төрийн төлөөлөгчийг ИЛГЭЭ.
БИДНИЙ АСУУДЛЫГ БОДИТОЙ ШИЙД !!!!
Үгүй бол тээвэрчид амьд явах эрхийнхээ төлөө алхаад ч болсон тан дээр очино.
П.БАЯРХҮҮ БАЯНЗАМ ТЭЭВЭРЧДИЙН ХОЛБОО УЗ -ИЙН ДАРГА
2020.08.12
