Бар захирал
МҮОНРТ-ийн Ерөнхий захирал Л.Нинжжамцыг маш чадварлаг удирдагч гэж түүний хамтран ажиллагсад, ойр дотныхон нь хэлдэг. Гэвч түүний амжилтад зарим нэг үзэг нэгт “найз” нар нь МАН-ын халаасны хүн гэж атаархсан өнгөөр шивэр авир хийдэг юм билээ.
МҮОНРТ-д очсон даруйдаа зарим нэг назгайрлыг цэгцэлсэн түүний удирдах ухааныг шүүмжлэх хүн мэр сэр.
Бар захирал буюу Л.Нинжжамцын амжилтын нууц бол ердөө өглөө эрт босох, мөн өдөр бүр амьдарч байгаадаа талархах гэсэн шүү. Тэрээр өглөө бүр 06.00 цагт босдог бөгөөд өнөөдөр маргаашаас илүү байдаг учраас амьд, ажилтай, эрүүл саруул амьдарч байгаадаа талархан ажлаа эхлүүлдэг гэнэ шүү.
Амжилтад хүрэхийг хүссэн залууст хандаж, ширээний ард сууж сур. Ингэснээр цаашид олон сургууль дамжааг маш амжилттай дүүргэж чадна. Залуу нас хамгийн сайхан нь. Энэ насан дээрээ биеийн тамир, спортоор хичээллэдэг байх, бие бялдрын тэгш хүмүүжилтэй байх хэрэгтэй. Бие бялдрын тэгш хүмүүжлийг дагаад хүн илүүдэл жингүй, эрүүл байна. Залуус гадаад хэлийг өөрийн унаган хэл шиг эзэмших хэрэгтэй. Тэгж байж ертөнцийн цонх нээгдэнэ гэдгийг огт мартаж болохгүй. Залуучууд аа, зөвхөн өнөөдрөө биш маргаашаа бүтээж амьдраарай гэж хэлье” гэж нэгэн хэвлэлд ярьжээ.
