Монгол моделиуд дундаас олон улсад хамгийн өндөр амжилт гаргасан загвар өмсөгч Нора буюу Д.Оюунномин Нью-Йорк, Милан, Парис, Токио, Сингапур, Хонг Конгийн загварын агентлагт харьяалагдахын зэрэгцээ дэлхийд нэр хүндтэй Chanel, Hermes, Vivienne Westwood (брэнд дизайнер), Emilio Pucci зэрэг брэнд болон Монголын бүхий л чадварлаг, томоохон дизайнеруудтай хамтран ажилладаг.
Өдгөө Итали улсад гацаад байгаа тэрээр өөрийнхөө викинитэй гэрэл зургаа нийтлэсэн нь эрчүүд төдийгүй бүсгүйчүүдийн харцыг булаагаад байна. Түүний танил нөхөд нь “Энэ чинь л Нора” хэмээн уулга алдаж байгаа гэхэд хилсдэхгүй.
16 жил загвар өмсөж буй Нора 40 гаруй орноор аялж, 10 гаруй улсад амьдарч, ажиллаж байсан ч таны төсөөлснөөс ч илүү гэр бүлсэг нэгэн. “Тэр бүлээс өөр үнэ цэнэтэй зүйл энэ ертөнцөд хаана ч байхгүй. Миний ээж, эгч, дүү нараас минь чухал зүйл хаа ч үгүй” хэмээдэг.
Тэрбээр сүүлийн 15 жилийг хилийн чанадад өнгөрүүлэхдээ энэ бүхнийг илүүтэй ухаарсан гэдгээ нуудаггүй.
