Дэлхийн трансжендер миссийн хамгийн том тэмцээн болох “Miss International Queen” тэмцээнд Монгол улсыг төлөөлөн маш амжилттай оролцоод ирсэн трансжендэр Б.Солонго өчигдөр буюу зуны адаг сарын 29-ний Балжиннямтай билэгт сайн өдөр гандан гарч ном уншуулангаа зул өргөж, буян хураажээ.
Энэ тухайгаа өөрийн цахим хуудасныхаа стори хэсэгт оруулсан байна.
Түүний хувьд өдгөө 27 настай, өөрийн нэрийн брэнд дэлгүүрийг хотын хамгийн өндөр зэрэглэлтэй газарт ажлуулдаг. Бэлгийн цөөнхийг нийгэмд зөвөөр ойлгуулахыг хичээж, болохгүй бүтэхгүй зүйлд өөрийн дуу хоолойгоо хүргэдэг тэрээр буддын шашныг дээдлэн шүтдэг бололтой.
Эцэг эхээс Билгүүн нэрээр эрэгтэй болж төрсөн ч, өөрийн дотоод мөн чанараа даган эмэгтэй хүйсийг сонгосон Б.Солонго ээжийгээ дээдлэн хайрладаг гэдгээ ярилцлага бүртээ хэлдэг.
