Өөрийн охин, өнчирч хоцорсон есөн дүүгээ өсгөж яваа 21 настай Б.Ариунболорт АНГУУЧ гурван өрөө байр бэлэглэжээ гэсэн мэдээлэл цахим орчинд цацагдсан. Гэвч сайны хажуугаар саар гэгчээр гэгээлэг мэдээг үгүйсгэх, харлуулах мэдээллүүд цацагдаж байна.
Анх Б.Ариунболор түүний есөн дүүг байртай болгох сайн үйлсийн аянг мөрөөдөл группийн админ Дука эхлүүлжээ. Дукагийн аянд нийт 27 сая төгрөг цугларсан бөгөөд түүн дээр нэмж Ангууч, Мөөгий болон Х.Мөнхжин нар “Almighty” арга хэмжээг зохион байгуулж тус арга хэмжээнд цугларсан мөнгийг 100 хувь түүний байранд зарцуулахаар болсон. Энэхүү аяныг долдугаар сарын 29-ны өдөр буюу Ангуучийн төрсөн өдрөөр зохион байгуулсан гэдгийг мэдэхгүй хүн ховор байх.
Харин өнөөдөр хандивын аянг анх эхлүүлсэн Дука цахим хуудаснаа “Одоо намайг бүгд харааж зүхэж байх шив.Сая Ангууч гээд залуугийн ярилцлагыг хальт үзлээ.Зүгээр л өөрийгөө цэвэрхэн аваад гардаг айхтар хүү байна. Анх Ариунболор охинд тусалж байхад Ангууч, Мөнхжин ах хоёр надад байр авч өгөхөөр боллоо гээд яваад өгсөн.Хэд хоногийн дараа над руу Ариунболор залгаад Ангууч ах, өөрийнхөө дансанд мөнгө цуглуулж байгаа 23 сая төгрөг цугласан байсан.Төрсөн өдрөөрөө бидний цугласан хандиваас зургаан сая төгрөг данснаас авсан байсан.
Уяачдын холбооноос найман сая цугласан тэрийгээ ч хэлээгүй. Дансанд 23 сая төгрөг байхад 20 сая байгаа гээд надад улаан цайм худлаа хэлээд байна би яах вэ аниа гээд Ариунболор над руу залгасан. Би тухайн үед болох байлгүй дээ. Ангууч байранд оруулна гэсэн юм чинь чимээгүй байж бай миний дүү гэж хэлсэн. Ариунболор охин дахин хэд хоногийн дараа Ангуучтай холбогдож ахаа хүмүүс намайг байранд орчихсон гэж бодоод байна. Та дансаа шилэн байлгаад хэд орсныг хүмүүст хэлээдхээч гэхэд урдаас нь учиргүй загнаж зандарсан байсан. Ингээд Ангууч нийт цугласан хандив буюу 50 саяд байр авч өгөхөөр бүх сонин сэтгүүл дээр бичигдсэн байдаг юм.Харин гадаадад байдаг Монголчуудын машин ав гэж цуглуулж өгсөн 10нсаяыг сонсоод наад 10 саяыг чинь нэмээд нийт 60 саяд оруулахаар болсон шүү гэж Ариунболор луу ярьснаар учир эхэлсэн юм. Миний хувьд бүгдийг сонсоод итгэж өгөөгүй. Яагаад энэ хүүхдүүдэд тэр дансны хуулга мэдээллээ өгчихгүй ингэж их нуугаад тэгээд өөрийгөө нийгэмд зөвтгөж яриад байгааг ойлгохгүй байна.” хэмээн бичсэн байна.
Бид Ангуучтай холбогдон эргээд та бүхэндээ мэдээлэл хүргэх болно.
