“Яг түүн шиг” шоунд оролцоод загварын тайзан дээр гаргасан амжилтаасаа илүүтэй нэрд гарсан хүн бол загвар өмсөгч С.Сарнай. Чамгүй дуулж, бүжиглэчихдэг түүний хувьд даруухан зан, шаргуу хөдөлмөрөөрөө үзэгч олонд үнэлэгдэж чадсан нэгэн.
Тиймдээ ч шоу нэвтрүүлгээс хасагдсаныхаа дараа өөрийн хөрөг нэвтрүүлгийг үзэгчдэд сонирхуулж, хувийн амьдралынхаа жаргалтай агшнуудаас хуваалцсан билээ.
Түүний нөхөр Э.Мөнх-Эрдэнэ мөн л “Монгол модель” агентлагт харьяалагддаг загвар өмсөгч бөгөөд “Эф Си Улаанбаатар” багийн тамирчин залуу юм. Нөхрийнхөө хүсэл сонирхлыг дэмжин, хүүтэйгээ хамт хөлбөмбөгийн тоглолт бүрийг нь шимтэн үзэх дуртай С.Сарнай ч гэр бүлийнхээ амьдралыг хамтдаа өөд нь татахаар зүтгэж буйгаа дэлгэсэн.
Арлын орноос ирээд төдий л удалгүй гэр бүлийн амьдрал зохиож, жил дараалан үрийн зулай үнэрлэсэн загвар өмсөгч С.Сарнай хөл хүндтэй байхдаа олны нүднээс далдхан байхыг эрхэмлэж явсан гэдэг.
Загвар өмсөгч С.Сарнай “MÔNROZÉ” хэмээх өөрийн нэрийн брэндээ үүсгээд багагүй хугацаа өнгөрч байна. Анх гялгар пластик материалаар эмэгтэйчүүдийн косметикийн сав хийж байсан тэрбээр одоо галбиржуулах бүс, монгол загварын хувцас,түрийвч, гоо сайхны бүтээгдэхүүн хийж борлуулдаг.
