“25-р суваг” телевизийн бүтээл “Making The Band” нэвтрүүлгээс төрөн гарсан “Mixx” хамтлагийн гишүүд өдгөө тус тусын уран бүтээлийг хийх болсон.
Тус хамтлагийнхнаас хамгийн их дуулиан тарьдаг нэгнээр реппер Темпог нэрлэж болно.
Нэг хэсэг үглэж дуулахаасаа илүү шоу нэвтрүүлэг хөтлөж явсан тэрээр чопперчин болсон байна. Өөрийнхөө шинэ хоббинд мөнгө харамлалгүй цацаж эхэлсэн тэрээр өдгөө 26 настай ч ганц бие.
Жүжигчин П.Шүүдэрцэцэгтэй багагүй хугацаанд хайр дурлалын романс үүсгэж явсан тэрбээр түүнд зориулан “Шүүдэрхэн” хэмээх дуу хүртэл гаргаад амжсан. Түүний “Ex Calling” дууг жүжигчин бүсгүйд зориулагдсан хэмээх нь бий. Мөн “Хэрэггүй” хэмээх дуугаа цацсан нь түүнийг дахин энэхүү ярианы эзэн болгоход хүргэжээ. Учир нь тус дууны клипэнд жүжигчин бүсгүйтэй тун ч адилхан бүсгүй тоглосон байдаг.
Ямартаа ч, реппэр залууд маань салхи татуулан давихах нь өнгөрсөн дурлалын түүхийг мартахад туслах биз ээ.
