УИХ-ын гишүүн Ц.Гарамжавын “Монполимет” ХХК-ийн Заамар дахь алтны уурхайд үйлдвэрийн осол гарчээ. Тодруулбал, тус уурхайд гагнуурчнаар ажиллаж байсан 60 орчим настай иргэн өчигдөр экскаваторын шанаганд дарагдаж нас барсан байна.
Энэ талаар ЦЕГ-ын Хэвлэл мэдээллийн ажилтнаас тодруулахад “Төв аймгийн цагдаагийн газар шалгалтын ажиллагааг явуулж байна” гэсэн хариултыг өглөө.
Эх сурвалжийн мэдээлж байгаагаар юм гагнаад сууж байхад нь экскаваторын шанаганы тросс тасарч дээрээс нь унасан гэнэ. Талийгаачийн ар гэрийнхэн өчигдөр Заамар луу явсан бөгөөд хэргийн газарт очиход Төв аймгийн цагдаа, шүүх эмнэлэг, прокурорынхон оччихсон хэнийг ч дотогш нэвтрүүлээгүй байна.
УИХ-ын гишүүн Ц.Гарамжавын “Монполимет” ХХК-ийн Заамар дахь алтны уурхайд нэг хүн амиа алджээ
By cool
