Монголын театр урлагийн хөөрхөн, сайхан тодотголтой бүсгүйчүүдийн нэг бол жүжигчин Гануух буюу А.Ганчимэг яахын аргагүй мөн. “Хэцүү анги” олон ангит киногоороо олонд анх танигдаж байсан тэрээр өдгөө 32 настай, ганц бие ээж.
Урлагийн төлөө өөрийнхөө гоо сайхныг умартаж, урт үсийг юу ч үгүй тайрч хэдэн жил халимаг, богино үстэй явсан тэрээр үсээ дахин ургуулжээ.
Өнгө нэмж, зүс тодотгодог түүний үсэнд үзэгчид ч хайртай байдаг. Тэрээр “Хувьсал продакшны бүтээл “Атганд үлдсэн эрдэнэ” уран сайхны кинонд тоглохын тулд үсээ халимаг болгож байв. Тэрээр энэ тухайгаа өөрийн цахим хуудаснаа “Энэ бол миний мэргэжил… Эзэмшсэн мэргэжилдээ эзэн нь байж, өмнөх дүрүүдээсээ өөр байх гэж хичээж явна,.. Урт гэзгээ хайчлуулах тийм амар байгаагүй ч шинэхэн уран бүтээлийнхээ төлөө эргэлт буцалтгүйгээр шийдсэн юм” хэмээн бичиж байв.
Жүжигчин А.Ганчимэг өөрийн алтан протнёр жүжигчин Д.Ганцэцэгтэй хамтран продакшн байгуулж, өнгөрсөн жил “Халуун зүрх” уран сайхны кино хийсэн билээ.
