“Анна Каренина” романыг Монголд хамгийн анх ахмад орчуулагчдын нэг Ш.Очирбат монгол хэлнээ тун яруу сайхан хөрвүүлсэн нь үгийн урлагийн хорхойтнуудад дэлхийн сонгодог романыг эх хэл дээрээ унших боломжийг бий болгосон билээ.
Сонгодог зохиол гэдэг нэг талаар цаг хугацааны шалгуурыг даван шигшигдсэн гэсэн сүрлэг утгыг илэрхийлдэг нь “Анна Каренина” романд шууд хамаатахаас гадна, үгийн урлагт бүтээгдсэн хамгийн сайхан зохиолын нэг гэх тодотголыг ч мөн бүрнээ агуулдаг.
“Анна Каренина” роман бол дэлхий дахинаа эмэгтэй хүн бүрийн заавал унших ёстой сонгодог бүтээлд тооцогддог билээ. Эмэгтэй хүний эмзэг нандин чанар, хайр сэтгэлийн төлөөх тэмцэл болоод гэр бүл, хосуудын харилцаа, амьдралын тухай өгүүлэх энэхүү гайхамшигтай романыг Монголд анх удаа Улсын драмын эрдмийн театрын хамт олон тайзны бүтээл болгож үзэгч түмнийхээ оюуны мэлмийг мялаагаад байгаа билээ.
“Анна Каренина” жүжгийн онцлох сайхан бүсгүйчүүдийг танилцуулж байна.
Анна /хувь заяа/ – Н.Сувд /ТС АЖ/
Варя Вронская – С.Сарантуяа /АЖ/
Щербацкая хатагтай – Ж.Оюундарь /УГЖ/
Анна Каренина – Н.Баярмаа /СТА/
Кити Щербацкая – Д.Хулан
Долли Облонская – Г.Урнаа /УГЖ/
Бэтсигийн найзууд – Б. Одончимэг
Бетси Тверская – М.Тогтохжаргал/СТА
