Хорь гаруйхан насандаа гавьяат цол хүртэж дэлхийн шилдэг найман балетчины тоонд багтсан Д.Алтанхуяг Монголын үндэсний балетын сургуулийг байгуулаад хэдэн жилийн нүүр үзэж буй.
Хаанаас нь ч харсан хүүхдэрхүү, үг дуу цөөнтэй дэлхийн хэмжээний од маань өөрийгөө жинхэнэ од болтол яагаа ч үгүй байна, энэ бүхэн зөвхөн эхлэл хэмээн даруухан ярьдаг.
Дэлхийн алдартай тайз түүнийг урьж, “Нью-Иорк таймс” гайхалтай эрч хүч, төгс техник, эрэмгий дайчин төрхөөр нь шагшиж байсан цаг саяхан. Японы хатан хаан хүндэтгэл үзүүлэн өөрийн биеэр баяр хүргэсэн балетчин Д.Алтанхуяг өдгөө АНУ-д амьдардаг.
Тэрээр өмнө нь гэр бүлээ олны өмнө тэр бүр ил гаргаж байгаагүй. Харин саяхнаас гэр бүлийнхээ гэрэл зургийг нийтлэх болжээ.
Д.Алтанхуягын эхнэрийг Хулан гэдэг нүдний эмч мэргэжилтэй бүсгүй байдаг аж. Тэд хоёр жилийн өмнө албан ёсоор гэрлэлтээ батлуулсан бөгөөд дундаасаа өсвөр насны хоёр охинтой.
