Орхон аймаг Эрдэнэт хотыг хөгжүүлэх жилийн төлөвлөгөөний төслийг Аймгийн Засаг дарга С.Батжаргал ИТХ-ын тэргүүлэгчдийн хуралдаанд танилцууллаа.
Аймгийн ИТХ-ын тэргүүлэгчдийн 7-р хуралдаан өнөөдөр цахимаар хуралдсан юм. Хуралдааны хэлэлцэх асуудлын нэгдүгээрт Орхон аймгийг хөгжүүлэх 2021 оны жилийн төлөвлөгөө батлах тухай хэлэлцлээ.
Хөгжлийн жилийн төлөвлөгөө нь таван жилийн үндсэн чиглэлийн зорилго, зорилтын хүрээнд найман бүлэгт 164 арга хэмжээг хэрэгжүүлэн ажиллахаар тусгасан.
Үүнд:
1. Үндэсний нэгдмэл үнэт зүйл бүлгийн хэмжээнд 3 зорилтыг хэрэгжүүлэхээр 8 арга хэмжээ
2. Эрүүл бүтээлч хөгжих тэмүүлэлтэй Эрдэнэт хүн бүлгийн хэмжээнд 5 зорилтыг хэрэгжүүлэхээр 44 арга хэмжээ.
3. Амьдарлын чанар ба дундаж давхарга бүлгийн хэмжэннд 5 зорилт 25 арга хэмжээ
4. Эдийн засгийн бүлгийн хэмжээнд 4 зорилтыг хэрэгжүүлэхээр 8 арга хэмжээ.
5. Тогтвортой засаглал Эрдэнэт хүч бүлгийн хэмжээнд зорилтыг хэрэгжүүлэхээр 13 арга хэмжээ
6. Ногоон Эрдэнэт хот бүлгийн хэмжээнд 4 зорилт 14 арга хэмжээ.
7. Аюулгүй амар тайван Эрдэнэт хот бүлгийн хэмжээнд 3 зорилт 19 арга хэмжээ.
8. Тогтвортой хөгжил Эрдэнэт хот бүлгийн хэмжээнд 5 зорилт 33 арга хэмжээг хэрэгжүүлэн ажиллахаар төлөвлөөд байна.
2016-2020 оны хугацаанд хэрэгжиж байсан 18 дэд хөтөлбөрийг цааш үргэлжлүүлэн хэрэгжүүлэн ажиллах бөгөөд шинээр 6 дэд хөтөлбөрийг нэмж боловсруулжээ. Төлөвлөгөөнд соён гэгээрүүлэх чиглэлийн үйл ажиллагаа тэр дундаа эх хэл бичигтэй холбоотой асуудал, эмэгтэйчүүдийн хөдөлмөр эрхлэлтийн асуудал, Ногоон байгууламж, цэцэрлэгжүүлэлт гэх мэт асуудлыг тусгаж өгчээ.
Зайлшгүй шаардлагатай төслүүдийг хэрэгжүүлэхэд Монгол Улсад төсөл хэрэгжүүлэгч олон улсын байгууллага, Монгол Улсад суугаа элчин сайдуудтай хамтран ажиллахаар санал солилцож байгаа ажээ.
Мэдээллийн төв
