Шинэ жилийн баяраар хамгийн их гүйлгээтэй барааны нэг бол баярын оройн оргилуун дарс. Энэ жил хэдийгээр хөл хориотой байгаа ч оргилуун дарсны эрэлт өндөр байсан нь мэдээж.
Шинэ жилийн маргаашнаас л сошиалд “Энэ бол залилан. Ийм зүйл хийж байгаа хүн бол бизнес эрхлэгч биш. Арай дэндэнээ‼Яг ийм шампанск авсан хүмүүс Шударга өрсөлдөөн, хэрэглэгчийн төлөө газар -т мэдээлэл ирүүлнэ үү.” гэх бичлэг гарч эхлэв.
Эх орондоо үйлдвэрлэсэн хэмээн сурталчилж байсан “Luxurious” нэхтэй оргилуун дарсны шошгоны цаанаас ОХУ-ын “Советское” гэх шошго гарч ирсэн нь анхаарал татаж буй.
Тус оргилуун дарсыг Цэс хайрхан ХХК худалдаанд гаргасан бөгөөд ШӨХТГ-аас шалгаж эхэлсэн талаар албан ёсоор мэдээлжээ. Энэ асуудлаар ШӨХТГ-аас мэдээлэл өгөх ажээ.
