“Өгөөж”-ийн босс С.Түмэнгэрэл харийн бүсгүйг гэргийгээрээ сонгож хамтын амьдрал эхлүүлээд дөчөөд жил болж буй.
Хойд хөршид сургууль төгсөж ирэхдээ шавилхан биетэй ч шаггүй ухаалаг охин дагуулж ирсэн нь түүний гэргий А.Марина. Нөхөртөө гурван охин төрүүлж өгсөн энэ хатагтай СЭЗДС-ийг дүүргэж, олон жил компанийхаа ерөнхий нягтлан бодогчийн албыг хашсан.
Хүнсний салбарт тууштай хорь гаруй жил амжилттай ажиллаж байгаа С.Түмэнгэрэл ноёнтон өөрийнхөө амжилтыг эхнэртэйгээ холбон тайлбарладаг. Мөн тун ч романтик тэрбээр А.Марина хатагтайг гэнэтийн бэлэг, цэцгийн баглаагаар “булдаг” юм билээ. Түүний гэргий ч романтик зангаар нөхрөөсөө дутахааргүй нэгэн бөгөөд баяр ёслол, шинэ улирал эхлэх тоолонд гэрээ өөр, өөр өнгө аясаар чимэглэх хоббитой төдийгүй дизайнерын хэмжээнд тохижуулдаг гэнэ лээ.
Магадгүй бизнесийнхэн дундаа дэгжин ганганаараа дээгүүрт жагсдаг С.Түмэнгэрэл эрхмийн хувцаслалт ч эхнэрийнх нь сонголт байж мэдэх юм шүү.
