“Талх” Ч.Ганхуяг МАК-ийн Б.Нямтайшир нар ураг барилдах нь гэсэн мэдээ амнаас ам дамжин яригдаж хэсэгтээ л шуугиан тарьж байсан. Тодруулбал, “Шарк” Н.Цэлмүүн сүр дуулайтайхан эхлүүлсэн анхны амьдралдаа цэг тавьсны дараахан хэсэгтээ л “Ард” санхүүгийн нэгдлийн гүйцэтгэх захирал Ч.Ганхуягийн дүү Ч.Ганзоригтой романчиглаж явсан.
Харамсалтай нь тэдний хайрын түүх удаан үргэлжлээгүй залуус хоёр тийш болсон. Өдгөө өөр, өөрсдийн замаар алхаж шинэ хайр дурлалтайгаа учирч амар сайхандаа жаргаж яваа.
Гэснээс, юм гэдэг сонин шүү. Н.Цэлмүүний дүү, бүр тодруулбал, их хурлын гишүүн асан Н.Номтойбаярын нууц хүү гэгддэг Н.Мөнгөншагай, Ч.Ганзоригийн дүү Г.Дүйзиймаа нар ах, эгч хоёртойгоо зэрэгцэн хайрын романс үүсгэж явсан байдаг. Яасан байх нь уу?
Дүү нарынх нь хайр дурлалд ч үргэлжлэл байгаагүй бөгөөд Г.Дүйзиймаа хэдийн хүнтэй сууж, хүүхэдтэй болсон бол Н.Мөнгөншагай шинэхэн хайртаараа загвар өмсөгч Ялгууныг сонгож хаана ч явсан цуг гэж мэдээрэй хэмээн хөтлөлцөн алхах болсон.
Уул шугмандаа бол эгч, дүүсийн хайр дурлал бүтэлгүйтээгүй бол давхар ураг барилдаж Ч.Ганхуяг, Б.Нямтайшир нар ёстой л нөгөө “хундага тавилгүй архи ууж, хутга тавилгүй мах иднэ” гэдэг нь болох байж шүү дээ.
