Монголын рок попын ертөнцийг Монгол Улсын гавьяат жүжигчин Б.Сарантуяа, Т.Ариунаа хоёргүйгээр төсөөлөхийн аргагүй. Фэнүүд нь цаг ямагт л өрсөлдүүлсээр ирсэн. Тэдний хувьд хоёрхон насны Тэдний хувьд хоёрхон насны зөрүүтэй бөгөөд гуч гаруй жил урлагийн тайзыг эзэгнэж яваа.
Дуучин Сарантуяа Дуучин Т.Ариунаатай анх Монгол Улсын филармонийн гоцлол дуучин, гавьяат жүжигчин Д.Эрдэнцэцэгтэй найзалж байхдаа танилцсан.
Монголын рок попын ертөнцөд “Эрос” имижийг анх оруулж ирсэн эмэгтэй дуучин гэж үздэг. Мөн НҮБ-ын Элч дуучин гэдэг утгаараа хүүхдүүдийн сайн сайхны төлөө нийгмийн чиг хандлагыг өөрчлөхөд үнэтэй хувь нэмэр оруулсан дуучны нэг. Монголын рок попын ертөнцөд дуучин Т.Ариунаагийн орон зайг дурдвал хязгааргүй том.
Уран бүтээлчийнх нь хувьд Т.Ариунаа гайхалтай жүжиглэж, гоё бүжиглэж чаддаг. Ямар ч өө сэвгүй хоолойтой дуучин. Би дуучин Т.Ариунаагийн дуулсан “Талын монгол айл”, “Жинжиймаа”, “Үл таних эмэгтэйн захидал” киноны дуу гэх мэт олон дуунд нь дуртай.
Дээрээс нь Т.Ариунаагийн тайзан дээр цоглог байдаг имиж нь миний сэтгэлээс гардаггүй. Түүнийг үеийн үед л ийм цоглог, гайхамшигтай мэдрэмжтэй дуучин гэж боддог. Түүний гадаад төрх, имижээс санаа авах, өмссөн зүүсэн, тайзнаа биеэ авч явж байгаа байдал бидний гайхашралыг төрүүлж ирсэн хэмээж байжээ.
Зуун дамжин монголчуудынхаа сонорыг мялаах авьяас билэг, хүч хөдөлмөр, хувь заяа хүн бүхэнд олдохгүй билээ.Хоёр дуучиндаа хамгийн сайхан бүхнийг хүсье.
