Улсын драмын эрдмийн театрын “Анна Каренина” жүжгийн тоглолт цуцлагдсан байна.
Учир нь Улсын драмын Эрдмийн тeатрын нийт 54 ажилтны короновирусын шинжилгээний хариу эерэг гарлаа.
Тус газар 3 сарын 4-ний өдрөөс эхлэн Анна Карeнина тоглолтыг өдөр бүр тайзнаа тоглож байсан.
Өнөөдрийн тоглолт цуцлагдсан бөгөөд тeатрын бусад ажилчид гэртээ тусгаарлагдаад байгаа талаар эх сурвалж мэдээллээ.
Эхний ээлжинд шинжилгээний хариунд ковид-19 илэрсэн ажилчдыг тусгаарлахаар авч явсан байна.
Улсын драмын эрдмийн театраас гаргасан МЭДЭГДЭЛ:
Улсын драмын эрдмийн театрын эрхэм үйлчлүүлэгч, үзэгчид Та бүхэнд энэ өдрийн мэндийг хүргэе. Нийслэлийн Сүхбаатар дүүргийн онцгой комиссын 2021 оны 03 дугаар сарын 07-ны өдрийн 13/7/12 дугаартай албан мэдэгдэл, холбогдох хууль дүрэм журмыг үндэслэн коронавируст халдвар /Ковид-19/-ын тархалт нэмэгдэж байгаатай холбогдуулан үзэгчид, уран бүтээлчид, ажилтан, албан хаагчдынхаа эрүүл мэнд, аюулгүй байдлыг хангах зорилгоор 2021 оны 03 дугаар сарын 07-ны өдрөөс 14-ны өдрийг хүртэлх хугацаанд тоглогдох байсан “Анна Каренина” жүжгийн тоглолт цуцлагдсаныг үүгээр мэдэгдэж үзэгч та бүхнээсээ хүлцэл өчье.
Иймд эрхэм үйлчлүүлэгч та бүхэнд дээрх хугацаан дахь худалдан авсан тасалбарыг тоглолт зөвшөөрөгдсөн үед шилжүүлэн үзэх, тасалбар буцаалт хийх боломжтой болохыг үүгээр уламжилж байна.
Жич: “Анна Каренина” жүжгийн (зөвшөөрөгдсөн) тоглолтын хуваарийн мэдээллийг цахимаар урьдчилан мэдэгдэх болно. Мөн тоглолтын тасалбарыг Улсын драмын эрдмийн театрын касснаас худалдан авсан бол (99250387) дугаараар холбогдох, www.ticket.mn сайтаас худалдан авсан бол (90101800, 1900-1800) дугаарт холбогдож буцаалт хийх боломжтой болно.
Хүлээцтэй, эерэг хандлагатай үйчлүүлэгч Та бүхэндээ баярлалаа
УЛСЫН ДРАМЫН ЭРДМИЙН ТЕАТР
2021 оны 03 дугаар сарын 07
