Фото түүх: Хүссэн бүхнээ хийж, тааллаараа амьдардаг эрх чөлөөт модель Валентина Ясень
Хүн ганц л амьдарна. Ганц амьдрахдаа хүссэнээрээ байх хэрэгтэй гэж ярих дуртай ч бид өнөөдөр хүссэнээрээ амьдарч чаддаггүй. Тэгвэл 66 настай Валентина Ясень хүссэн бүхнээ хийж амьдарч байгаа ажээ.
Дэлхийн загварын чиг хандлага ойлгомжгүй байдаг шүү дээ. Сүүлийн үед буурал үстэй, гоё “хөгширч” байгаа хүмүүсийг моделиор ажиллуулах болсон. Тэдний тэргүүн эгнээнд явж буй модель бол Валентина Ясень юм.
ОХУ-ын иргэн 66 настай Валентина Ясень өөрийнхөө хүссэн бүхнээ хийж аз жаргалтай модель, эмээ. Тэрбээр тэтгэвэрт гараад өөртөө зарцуулах цаг завтай болсон тул моделийн гараагаа эхлүүлсэн байна.
Валентина Ясень: “Тэтгэвэрт гараад би өөрийгөө илүү эрх чөлөөтэйг мэдэрч эхэлсэн. Хүүхдүүд минь том болсон болохоор өөртөө цаг гаргах боломжтой болсон болохоор хүссэн бүхнээ хийж эхэлсэн. Эхний мөрөөдөл маань загвар өмсөгч болох байсан. Биелүүлсэн, олон брэндийн нүүр царай болсон” гэж моделийн гараагаа эхлүүлсэн түүхээ хуваалцсан.
Театрт жүжигчин, эмийн санч, зах дээр тамхи зардаг байсан гээд түүний хувийн амьдрал баялаг түүхтэй. Тэрбээр залуучуудтай үеийн юм шиг харьцаж, хайрлаж, хүндэтгэдэг нь ийнхүү толиотой “хөгшрөх” суурь болж өгсөн аж.
Хэрвээ чи 60 настай бол 30 настай юм шиг харагдах шаардлага байхгүй. Цагын аясаар бууралтах үс, нэмэгдэж байгаа үрчлээ бол чиний дахин давтагдашгүй гоо үзэсгэлэн. Хэрвээ би үсээ саарлаар будуулах юм бол 40 орчим настай харагдана, бараан өнгөөр будуулах юм бол 10 гаруй насаар залуу харагдана. Энэ л миний дахин давтагдашгүй гоо сайхан юм. Хүн бүр өөрийн гэсэн гоо үзэсгэлэнтэй тул түүнийгээ мэдэрч, хүссэн өөрчлөлтөө хийж сураасай гэж хүсдэг.Өнөөдөр би саарал үстэй байгаа. Энэ өнгө надад, ач охинд маань таалагдсан болохоор нэг хэсэгтээ ийм үстэй байна гэв.
Цаашид тэрбээр өөрийнхөө хүсэл мөрөөдлөө дагаж, хүссэн бүхнээ хийх бөгөөд таалагдсан салбар руугаа “урвасан” ч чадна гэжээ.
