ОЮУТОЛГОЙН ДАЛД УУРХАЙГ НУРАХ МАГАДЛАЛТАЙ ГЭЖ ҮЗЖЭЭ…
Олон улсын хөрөнгийн бирж дээр Рио Тинто компанийн хувьцааны ханш гэрлийн хурдаар унаж байгаа билээ. Хувьцааны уналтыг Монгол Улсын Засгийн газрын гэрээ хэлэлцээртэй холбон ойлгох шаардлагагүй юм.
Юу гэвээс Рио Тинто компанийг хувьцаа эзэмшигч нараа хууран мэхэлсэн, зальдсан гэх мэт олон асуудлаар Нью-Йорк хотын шүүх дээр маргаан явагдаж байгаа юм. Рио Тинто компани Оюутолгойн далд уурхай 2022 онд ашиглалтанд орно гэж мэдээлсэн нь хувьцааны ханш өсөхөд нөлөөлсөн юм билээ.
Гэтэл далд уурхайн хоёрдугаар босоо амыг барихдаа технологийн алдаа гаргасан (40 мянган тонн ган төмөр хэрэгцээгүй болсон, стандартын бус цемент нийлүүлэгдсэн) байна. 2018 онд энэ талаар мэдэгдсэн 12 инженер, мэргэжилтэн нараа Рио Тинто компани ажлаас халсан байдаг. Тухайн үед завсарлах өртөг 780 сая ам.доллар байсан бол өдгөө хоёр тэрбум ам.доллар болон өсчээ. Хоёр тэрбум ам.долларын засвар, технолгийн алдааг засахгүй аваас нурах магадлал үүсэх гэнэ.
Ийм технолгийн алдаа гарсан талаар гадаад ертөнцөд шуугиж байхад уул уурхайн яам, Засгийн газар мэдээлэхгүй байгаа нь гайхал төрүүлнэ. Магадгүй Нью-Йорк хотын шүүхийн маргааныг дөрөөлөн Оюутолгойгоо салгаад авъя, гэрээндээ өөрчлөлт оруулья гэдэг санаанууд зөв байж мэдэх юм. Хоёр тэрбум долларын санхүүжилт дахиад нэмэгдэх аваас Монголчуудын авах ноогдол ашиг улам л алсарна шүү дээ.
Энэ мэдээллийн талаар Засгийн газрын байр суурийг сонсмоор байна. Тултал шейрлэе…
Б.Жаргалсайхан
