МХЕГ-ын даргын баталсан 2021 оны 01/01, 01/55 дугаартай удирдамжийн дагуу тус аймгийн хэмжээнд үйл ажиллагаа явуулж байгаа эрүүл мэндийн байгууллагуудын коронавируст халдварын үед эмнэлгүүдийн тусламж үйлчилгээний бэлэн байдал хэрхэн хангасан байдалд хяналт шалгалт хийж, үнэлгээ, дүгнэлт өгөх, илэрсэн зөрчил дутагдлыг арилгуулах зорилгоор төлөвлөгөөт бус шалгалт хийж, нийт 48 байгууллагыг хамруулсан.
Шалгалтаар илэрсэн зөрчил, дутагдлыг арилгуулахаар эрүүл мэндийн 22 байгууллагад хугацаатай албан шаардлага өгч, хэрэглэх хүчинтэй хугацаа нь дууссан, чанарын баталгаажуулалтгүй эм, эмнэлгийн хэрэгслээр үйлчилсэн 4 байгууллагад Зөрчлийн тухай хуульд заасан зөрчлийн шинжтэй үйлдэлд нь зөрчил шалган шийдвэрлэх ажиллагаа явуулж, 30 нэр төрлийн 3321 ширхэг 7.570.973 төгрөгийн үнэ бүхий эм, эмнэлгийн хэрэгслийг хураан авч, нийтдээ 4.0 сая төгрөгийн торгох шийтгэл оногдуулан эрсдэлээс урьдчилан сэргийлж ажиллалаа.
