“The voice of Mongolia 2018” шоуны шилдэг таван оролцогчоос бүрдсэн “The R&N” хамтлаг албан ёсоор үүсгэн байгуулагдаад нэг жилийн нүүр үзэж байна. Энэ хугацаанд өөрийн гэсэн уран бүтээл, дүр төрх, имиджтэй болсон тэд охид бүсгүйчүүдийг байлдан дагуулах болжээ.
Сүүлийн хэдэн жилийн турш монголын рок попын тогоонд чанартай boy band хамтлаг төрөн гараагүй. Продюсер Б.Наранзул энэхүү зах зээлийг олж харан дуучин залууст санал тавьснаар нэгдэн нийлж, хамтлаг болжээ. Тэрээр “The Raisins&Nuts” буюу “R&N” нэрний утгыг хамтлагийн продюсер тайлбарлахдаа “Хамтлагийн нэрийг сонирхолтой байлгах үүднээс ийм нэр өгсөн.
Хүн болгон чихэрлэг, гашуун, исгэлэн гээд өөр өөрийн амтанд дуртай байдаг. Хамтлагийн залуусын зан төлвийг харж байхад өөр өөрийн онцлогтой байсан учраас “Үзэм ба самарнууд” гэж өхөөрдөж нэрлэсэн. Нэрээ бүтнээр нь хэлэхэд төвөгтэй байх гэдэг үүднээс “R&N” нэг товчилсон” хэмээн тайлбарладаг.
