“Никитон” хамтлагийн хөгжимчин, “Пентатоник” наадмын таван удаагийн шагналт, ая зохиогч, гитарчин Өөжгий буюу Д.Өлзий-Орших шударга шулуун үгээрээ урлагийнхандаа гайхагддаг.
Түүний хэлсэн үгийг эерэгээр хүлээж авах хүн байхад эсрэгээр хүлээж авдаг ч хүн урлагт бий. Ид мандаж байх үедээ монголын миссээр тодорсон бүсгүйтэй амьдарч яваа тэрээр албан ёсны гурав дахь эхнэртэйгээ амьдарч байгаа. Хувийн амьдралаа олонд дэлгэх дургүй гитарчин залуу нэгэн хэвлэлд “Миний хувийн амьдрал хэнд ч сонин биш. Хэрвээ чамд жаргал гэдэг юм байдаг бол түүнийгээ сэтгэл дотроо өөр өөртэйгөө чимээгүйхэн эдэл. Хэрвээ чамд зовлон гэж юм байгаа бол түүнийгээ хүнд дэлгэх хэрэггүй. Чи дотроо л зов. Магадгүй ганцаараа гэртээ байхдаа уйлдаг юм уу чимээгүйхэн эдэл. Түүнээс хүн өөрийнхөө хувийн амьдралыг нийтэд дэлгэж тавиад байх онц зүйл биш байх. Хувийн амьдрал гэдэг хувийн л зүйл. Хувийн амьдрал хувийн бат цайзан дотроо л байх ёстой” хэмээн ярьсан байдаг.
Тэрээр хайрын дуунуудыг их олон өнцгөөс харж зохиохыг хичээдэг. Хайр дурлалыг ямар өнцгөөс харуулж болох, хайр дурлалд юу тохиолддог, хайрын олон гэгээлэг зүйлийг, заримдаа гунигийг, харуусмаар тэр мэдрэмжүүдийг тэрээр хүмүүст хүргэдэг.
