Хувьсал прадокшны “тэргүүн хатагтай” У.Уранчимэг хуучны хамтрагч жүжигчин Д.Ганцэцэгт гавъяат цол хүртэж буйд баяр хүргэж “Галзуу охин минь, гавъяат болсонд баяр хүргэе. Гал халуун баярын мэнд хүргэе” хэмээн бичжээ.
Тэдний хувьд УДЭТ-т багагүй хугацаанд нэг дор ажиллаж хуурай эгч дүүс болсон. Улмаар 2014 онд “Зэрлэг цэцэгсийн хүлэмж” кинонд Д.Ганцэцэг, А.Ганчимэг нарыг У.Уранчимэг гавъяат “уруу татаж” Сүхбаатар аймаг руу авч явснаар театрын удирдлагууд тэднийг ажлаас нь халсан гэдэг. Мань “эгч дүү” 3 гандан буурахгүй гурван жил хэртэй “Хувьсал”-ын нэр дор хамтын уран бүтээлээ хийсэн.
Гэвч 2019 онд уран бүтээлийн асуудал дээр үл ойлголцол гарч, улмаар “Тэнгэрээс буусан од” кинонд У.Уранчимэг жүжигчин О.Дөлгөөнийг гол дүрд сонгосон. Иймхүү тэдний дотно нөхөрлөл цэг тавигдсан юм.
Өдгөө Д.Ганцэцэг, А.Ганчимэг нар “Аримун” гэдэг студи байгуулан тусдаа хөдөлмөрлөж буй. Тэдний бүтээсэн “Халуун зүрх” уран сайхны кино үзэгчдийн 2020 онд ёстой л хуйлруулсан.
