Өндөг ч шарж чаддаггүй байсан залуу харийн оронд арван жил гал тогоонд ажиллахдаа дээд зэрэглэлийн рестораны тогооч болоод эх нутагтаа ирсэн гэдэг.
Ирландад байхдаа Дэлхийн тогооч нарын холбооноос зохион байгуулсан Баруун Европын аварга шалгаруулах тэмцээнээс хүрэл медаль хүртсэн нь Европ тивээс Монголд авчирсан анхны медаль байсан аж.
Г.Мөнгөндолгиог хүмүүс “Мастер тогооч” шоуны хөтлөгч, шүүгч, “Монгол” ТВ-ийн “Мөнгөөгийн гал тогоо” цуврал нэвтрүүлгийн хөтлөгч гэдгээр нь таньдаг байсан бол одоо “Мэргэжлийн олимп” гэгддэг “Дэлхийн ур чадвар” олон улсын тэмцээний эксперт багш гэдгээр нь сайн мэддэг болсон.
Тэрээр хөөлгөгчгүй , хөрөнгөний талхыг моданд оруулж , дэнжийн мянгын Долгор эмээгээс эхлээд УИХ-ын гишүүнийг хүртэл талх барихад хүргэсэн. Анх ажлынхаа хажуугаар уг талхыг сонирхлоороо хийдэг байсан тэрээр хоёрхон жилийн дотор талхны “Артизан” брэндийг бий болгож, Зайсан хавийнхныг хошууруулж буй. Захирал, талх баригч, түгээгчийн үүргийг өөрөө гүйцэтгэдэг учир зиндааралд дуртай хүмүүст ихээхэн таалагддаг гэсэн шүү.
