14 настайдаа Монголын анхны фото мисс болж байсан “Х Түц” продакшинд харьяалагдан ажиллаж байсан Б.Хулан өдгөө чөлөөт уран бүтээлч болсон. Анхны амьдрал нь бүтэлгүйтэж хоёр дахь амьдралаа эхлүүлээд байсан жүжигчин бүсгүй дахин ганц бие болсон.
Түүнийг гэх эрчүүд олон байдаг ч дахин амьдрал зохиовол өөртөө чин сэтгэлээсээ хайртай, халамжтай залууг сонгоно гэдгээ илэрхийлжээ. Мөн өнгөрсөн хугацаанд түүнд хаяглагдан ирсэн захидлуудыг дурсгал болгон хадгалдаг байна. Энэ талаар тэрбээр “10 жилд байхаасаа захидал авдаг байсан. Миссийн тэмцээнд орсны дараа хөдөө орон нутгаас өөрийнхөө зургийг хавчуулсан хайр хүндэтгэлийн захидалууд ирдэг байсан. Тэр захидлуудаа дурсгал болгон хадгалдаг” гэжээ.
Түүний хувьд өнгөрсөн хугацаанд хоёр ч эртэй амьдралаа холбоод бүтээгүй. Гэвч таван насны зөрүүтэй хүү охинтойгоо амьдардаг ажээ.
