“Мөнхийн ус”, “Аж богдын харуул” зэрэг дуугаараа 1990-ээд оны залуусыг уярааж явсан Т.Бат-Оргилыг өнөөдөр ч гитаргүйгээр, хэзээ ч үл хуучрах дуунуудгүйгээр төсөөлөхийн аргагүй. Түүний дуунуудыг сонсож өссөн хүүхдүүд одоо томчууд болсон.
Төрөөрөө, ардаараа, улсаараа овоглосон олон том шагналт жүжигчин Н.Сувд гуайн том хүү тэрээр өдгөө 40 гарсан насандаа анхныхаа үрийг өлгийдөхөөр зэхэж буй сурагтай. Тэрээр 1990-ээд оны сүүлчээр 20 гаруйхан насандаа өөрөөсөө эгчмэд 30 нас шүргэсэн хоёр охинтой бүсгүйг эхнэрээрээ сонгож, жинхэнэ эр хүний сонголт хийлээ гэж үнэлэгдэж явсан билээ.
Т.Бат-Оргилын авааль эхнэр Батцэцэг Бат-Оргилтой танилцах үедээ 4, 8 настай хоёр охинтой байсан, анхныхаа болзоонд бага охиноо дагуулан ирж байсан зоригтой эмэгтэй.
Т.Бат-Оргил одоогоод хэдэн жилийн өмнө хорь гаруй жил ханилсан хоёр хүүгийнхээ ээжээс туурга тусгаарлаж, шинэ амьдрал зохиосон. Т.Бат-Оргил 40 гарсан хойноо учирсан бүсгүйтэйгээ оровч гаравч хамтдаа явдаг.
Т.Бат-Оргилын эхнэр хүүхдүүд, гэр бүлээ орхин байж сонгосон бүсгүйг Д.Нандинцэцэг гэдэг. БНХАУ-д хуулийн чиглэлээр боловсрол эзэмшсэн “Дачин лоу” хуулийн фирмийн салбарыг Монголд оруулж ирсэн энэ бүсгүй дөрвөлжин Бенз хөлөглөн, хөлөөсөө толгой хүртэл брэндээр хучин олон нийтийн арга хэмжээ алгасахгүй оролцдог нийгмийн идэвхтэй бүсгүй. Гучин гаруй насан дээрээ гунхаж яваа бийлэгжүү бүсгүй, хуучны сайхан залуу хоёр энд тэнд хөтлөлцөн явах нь содон. Тэгвэл тэд дундаасаа анхны хүүхдээ өлгийдөх нээ. Д.Нандинцэцэг бүсгүйн анхны хүүхэд бол, Т.Бат-Оргилын гурав дахь буюу хэнз хүүхэд.
Ташрамд дуулгахад, Д.Нандинцэцэг бүсгүй Монгол-Хятадын бизнесмэнүүдийг хооронд нь холбох гүүр нь болж өгдөг болохоор манай бизнесмэнүүд тойрон эргэлддэг гэнэ. Тэд анх ХҮН (Хөдөлмөрийн үндэсний нам)-д байхдаа танилцаж ойртож дотноссон бөгөөд Д.Нандинцэцэг бүсгүй жүжигчин “Баян” Баясаатай хамтран цацагт хяруулын махны бизнес эрхлэхээр олонд танигдаж байсан.
